Fréttir

Við á leikskólastigi Stapaskóla héldum upp á bóndadaginn sl. föstudag en fyrsti dagur mánaðarins þorra í gamla norræna tímatalinu er nefndur bóndadagur. Lára, starfsmaður í leikskólanum, kom í Íslenskum þjóðbúningi og fannst krökkunum hún mjög fín. Í hádeginu var kjötsúpa í matinn en jafnframt fengu allir líka smakk af þorramat. Sumir voru mjög hugrakkir og smökkuðu hákarlinn en flestir héldu sig við það sem þau þekkja eins og slátur, sviðasultu, hangikjöt og harðfisk.

Í tilefni af degi íslenskrar tungu í nóvember síðastliðnum hélt Menntamálastofnun, í samstarfi við Krakkarúv, ljóðasamkeppni grunnskólanema, Ljóðaflóð 2022. Sigurvegari á unglingastigi var Cole, nemandi í 10. bekk Stapaskóla. Við óskum Cole innilega til hamingju með frábæran árangur!

Á fimmtudaginn í næstu viku, þann 26. janúar, verður samtalsdagur hér í Stapaskóla. Þá mæta nemendur með foreldrum sínum í viðtal hjá umsjónarkennurum. Þennan dag er því ekki hefðbundin skóli en frístundaheimillið Stapaskjól er þó opið á milli kl. 8:00 og 16:15.

Fyrsti dagur þorra er nefndur bóndadagur og er hann núna á föstudaginn 20. janúar. Í tilefni af deginum ætlum við að bjóða í þjóðlegt þorrakaffi og eru pabbar og afar, bræður eða frændur velkomnir í heimsókn frá kl. 14:30 - 15:30.

Í dag barst leikskólastigi vegleg bókagjöf. Gjöfin innihélt sex barnabækur úr bókaflokknum um Litla fólkið og stóru draumana. Með gjöfinni fylgja kveðjur til allra barna og ungmenna á Íslandi, með hvatningu til þess að auka lestur á íslensku.

Þá styttist í að allir nemendur og starfsfólk Stapaskóla fari í jólaleyfi. Nemendur grunnskólastigs eru komnir í leyfi og byrja aftur 4. janúar samkvæmt stundaskrá. Nemendur leikskólastigs fara í leyfi eftir Þorláksmessu og mæta aftur 2. janúar.

Í ljósi mikillar ófærðar og áframhaldandi slæmrar veðurspár hefur verið tekin ákvörðun um að aflýsa skólahaldi við Stapaskóla á leik- og grunnskólastigi. Ákvörðunin sem tekin er í samráði við umhverfissvið bæjarins er til að tryggja öryggi barna, fækka bílum í umferð og til að snjómokstur geti gengið greiðlega fyrir sig. Bæði götur og gangstéttar eru illfærar sem stendur og þá munu ferðir strætisvagna liggja niðri á morgun.

Í dag verður ekkert skólahald í Stapaskóla vegna veðurs og færðar. Þau börn sem eru mætt eru örugg í skólanum þar til foreldrar hafa tækifæri að sækja. Ekki er víst að Skólamatur komist á staðinn með hádegismat í dag.