Fréttir

Kæru foreldrar og forráðamenn. Á morgun fimmtudaginn 9. maí er uppstigningardagur og þá er skólinn lokaður. Á föstudag er svo íþróttadagur á grunnskólastigi sem er skertur dagur, frístund er þó opinn að loknum skóladegi. Mánudaginn 13. maí er starfsdagur á grunnskólastigi og skertur dagur á leikskólastigi en þá er leikskólinn lokaður frá 13.00

Á morgun miðvikudaginn 1. maí er verkalýðsdagurinn sem er alþjóðlegur baráttudagur verkalýðsins. Þennan dag er frí í skólanum og frístundaheimilið lokað.

Í síðustu viku héldu nemendur árshátíð sína og var hún með glæsilegasta móti. Þar komu nemendur fram frá elsta hópi leikskólastigs til elstu nemenda grunnskólastigs. Hvert atriði á fætur öðru var framúrskarandi og greinilegt að mikill undirbúningur hjá nemendum og kennurum hefur átt sér stað. Við erum ótrúlega stolt af nemendum okkar og þeirra framkomu. Einnig var virkilega gaman að sjá hvað margir gestir sáu sér fært að koma. Í myndasafni sjáið þið fleiri myndir.

Á fimmtudaginn 24. apríl er sumardagurinn fyrsti og skólinn því lokaður. Föstudaginn 25. april er svo starfsdagur á bæði leik- og grunnskólastigi Starfsfólk Stapaskóla óskar nemendum, foreldrum og öðrum velunnurum skólans gleðilegs sumars.

Fimmtudaginn 14. Mars fór hópur í 5. Bekk í vettvangsferð. Ferðinni var heitið að Kálfatjörn í Innri-Njarðvík. Ætlunin var að skoða ferskvatn og lífríkið þar í kring. Gengið var á svæðið og notið þess að vera úti í góðu og fersku lofti. Þegar komið var á staðinn tók á móti hópnum góður fjöldi af Stokköndum og fengu nemendur upplýsingar um atferli þeirra, börnin hvöttu endurnar áfram í leit sinni að réttum maka og töldu svo fjölda mismunandi tegunda af plöntum sem fundust á svæðinu. Á leiðinni heim skoðaði hópurinn Stapakot og ímyndaði sér hvernig það væri að búa í slíku húsnæði á árum áður. Þegar komið var í nálægð Stapaskóla var hugurinn farinn að reika að þeim steinum sem fundust á víð og dreif í náttúrunni. Ákveðið var að taka nokkra með upp í skóla og skoða þá betur. Við skoðun kom í ljós að einn reyndist innihalda glópagull. Góð byrjun á deginum fyrir áhugasama nemendur sem virkilega nutu þess að láta áhugann reika og fá svör við spurningum sem komu upp.

Nýtt skóladagatal fyrir veturinn 2024-2025 er nú komið í birtingu á heimasíðu okkar. Hægt er að finna dagatalið undir flipanum skóladagatal hér á forsíðunni. Hægt verður að nálgast skóladagatal þessa árs á sama stað út þetta skólaár.

Þann 1. apríl verður Stapaskóli 5 ára og af því tilefni ætlum við að halda skemmtun á sal skólans föstudaginn 5. apríl kl.12.30. Við bjóðum fjölskyldum, gestum og velunnurum skólans velkomna. Skúffukaka og drykkir verða í boði að lokinni dagskrá.

Síðasti kennsludagur fyrir páska á grunnskólastigi er föstudagurinn 22. mars. Frístundaheimilið Stapaskjól er einnig lokað í páskafríinu. Leikskólastig er áfram opið dymbilvikuna 25. - 27. mars en þá hefst páskafrí á leikskólastigi. Fyrsti skóladagur eftir páska er þriðjudagurinn 2. apríl. Starfsfólk óskar ykkur gleðilegra páska og hlökkum til að taka á móti börnum ykkar með bros á vör þriðjudaginn 2. apríl.