Fréttir

Nemendur í 4. til 10. bekk í Stapaskóla luku nýverið við stöðu- og framvindupróf Matsferils í lesskilningi og stærðfræði. Prófin fóru fram á síðustu þremur vikum og voru leyst á iPad-tölvur nemenda. Allt ferlið gekk einstaklega vel og stóðu nemendur ásamt öðrum þeim sem að prófunum komu sig með mikilli prýði. Þótt lögboðið væri að leggja prófin fyrir nemendur í 4., 6. og 9. bekk, ákváðu grunnskólar Reykjanesbæjar að láta alla nemendur í 4. til 10. bekk taka þau. Þetta var gert svo hægt væri að nýta niðurstöðurnar til að skipuleggja kennslu enn betur í samræmi við stöðu hvers og eins auk þess sem niðurstöðurnar munu nýtast við mat á árangri kennslunnar.

Árshátíð Stapaskóla fór fram í dag við mikinn fögnuð og eftirvæntingu. Nemendur í öllum bekkjum, frá 1. og upp í 10. bekk, sýndu einstaklega flott og metnaðarfull atriði sem vöktu mikla lukku hjá viðstöddum áhorfendum. Dagskráin hófst á því að nemendur í 5. bekk settu á svið magnað opnunaratriði byggt á sögunni um Bláa hnöttinn. Þar á eftir tók 1. til 4. bekkur við með sameinuðu glæsilegu Grease-atriði þar sem söngur og dans voru í fyrirrúmi og Nemendur í 6. bekk sýndu bráðskemmtilegt leikrit um lífið í sínum bekk. Eldri nemendurnir stóðu sig einnig frábærlega. 7. bekkur var með fjörugt dans- og leiklistaratriði og 8. bekkur sýndi kraftmikið „halftimeshow“ þar sem dansinn réð ríkjum, 9. bekkur gladdi gesti með leikriti um skólalífið. Loks steig 10. bekkur á svið með stórglæsilegt atriði sem var innblásið af Barbie-kvikmyndinni. Við viljum þakka foreldrafélaginu sérstaklega fyrir dýrindis veitingar sem boðið var upp á fyrir gesti og gangandi eftir sýningarnar.

Í dag, föstudaginn 20. mars fögnuðu nemendur Stapaskóla þeirri staðreynd að í dag er alþjóðadagur hamingjunnar. Alla vikuna hafa nemendur á leik- og grunnskólastigi unnið með spurninguna: Hvað þarf til svo allir séu hamingjusamir? Þegar hver aldurshópur fyrir sig hafði fundið sameiginlegt svar var það ritað á stóran striga. Nemendur undirrituðu svo með fingrafari sínu. Á deginum sjálfum hittumst við svo í söngstund. Leikskólastigið átti sína söngstund um morguninn og grunnskólastigið rétt eftir hádegi. Á sama tíma frumsýndum við svo alla sameiginlegu vinnuna okkar á striga og enduðum daginn á því að syngja lagið Elsku Heimur eftir Braga Valdimar Skúlason sem hefur verið valið UNESCO lag Reykjaness. Allir stóðu sig stórvel og það var virkilega gaman að enda daginn á slíkri hamingju sem söngur er.

Innritun er hafin fyrir börn sem eiga að hefja nám í 1. bekk grunnskóla í Reykjanesbæ haustið 2026. Skráning í grunnskóla fer fram á island.is. Í Reykjanesbæ sækja nemendur grunnskóla samkvæmt skólahverfum. Við hvetjum foreldra/forráðamenn til að hafa samband ef einhverjar spurningar eru.

Nú er komið að því að verðandi 9. bekkur hefji fjáröflun fyrir útskriftarferðinni sinni eftir að núverandi 10. bekkur afhenti þeim keflið. Sökum þess verður páskabingó þriðjudaginn 24. mars fyrir börnin ykkur og að sjálfsögðu ykkur líka. Veglegir vinningar hjá okkur, meðal annars páskaegg, gjafabréf frá Flugger, Líkama og boost, Skopp, Húsdýragarðinum, Orkustöðinni, Marion, Fjórhjólaævintýri, Neskju og fleira. Á staðnum verður sjoppa og pylsusala svo við hvetjum fólk til að koma með pening með sér. Bingóið er tvískipt og við áréttum að börn yngri en 10 ára þurfa að koma í fylgd með fullorðnum. Okkur hlakkar til að sjá ykkur Kveðja

Í upphafi skólaárs var ákveðið að færa upphaf skóladags á unglingastigi úr kl. 08:30 í kl. 09:00. Markmið breytingarinnar var að styðja við betri hvíld, vellíðan og námsumhverfi nemenda. Til að meta áhrif breytingarinnar var lögð fyrir könnun meðal nemenda og foreldra á samtalsdegi þann 29. janúar. Alls bárust 83 svör frá nemendum og 64 svör frá foreldrum. Niðurstöðurnar gefa skýra mynd af því að breytingin hefur haft jákvæð áhrif á morgna, líðan og einbeitingu hjá stórum hluta nemenda. Helstu niðurstöður í stuttu máli 94% nemenda meta breytinguna jákvæða 85% nemenda telja sig koma betur tilbúna til skóladagsins á morgnana 86% nemenda telja einbeitingu í námi hafa batnað 83% foreldra meta breytinguna jákvæða 84% foreldra styðja áframhaldandi fyrirkomulag

Lokahátíð Stóru upplestrarkeppninnar í Reykjanesbæ fór fram í Hljómahöll þann 10. mars 2026 við hátíðlega athöfn. Þar komu saman fulltrúar grunnskólanna í bænum sem allir höfðu lagt mikla vinnu í undirbúning sinn. Stóra upplestrarkeppnin er árlegur viðburður sem hefur það að markmiði að efla áhuga nemenda á móðurmálinu og vekja athygli á mikilvægi vandaðs upplestrar og skýrs framburðar. Keppnin er ætluð nemendum sem eru í 7. bekk og hefur um árabil verið einn af hápunktum skólaársins. Stapaskóli átti tvo frábæra fulltrúa í keppninni, þær Heiðu Lind Hermansdóttir og Maríu Dís Jónsdóttir, sem stóðu sig með mikilli prýði. Þær sýndu góða færni í upplestri og voru skólanum sínum til fyrirmyndar. Stapaskóli átti einnig tvo flotta fulltrúa sem komu fram á hátíðinni. Það voru þær Ólafía Arndís Björnsdóttir sem spilaði á klarinett og Guðrún Heiða Jónsdóttir sem spilaði á píanó. Þær settu skemmtilegan og hátíðlegan svip á athöfnina með fallegum tónlistarflutningi. Við í Stapskóla erum afar stolt af fulltrúum okkar og óskum þeim öllum innilega til hamingju með virkilega flotta frammistöðu.

Miðvikudaginn 11. mars er starfsdagur á grunnskólastigi stapaskóla. Allir nemendur eiga frí þennan dag. Frístundaheimilið Stapaskjól er einnig lokað.