Fréttir

Miðvikudaginn 14. janúar héldum við upp á hinn árlega og eftirvænting vasaljósadag með börnunum okkar. Þetta var dagur fullur af forvitni og töfrum þar sem við nýttum skammdegið til að skapa spennandi ævintýraheim. Hófst leikurinn innandyra, þegar við dempuðum ljós í húsinu og leyfðum börnunum að kanna hvernig vasaljósin gátu breytt umhverfinu. Þau spreyttu sig á því að búa til flóknar skuggamyndir á veggina og rannsökuðu af miklum áhuga hvernig ljósið brotnaði í gegnum litríka segulkubba. Það var dásamlegt að sjá einbeitinguna og gleðina sem skein úr andlitum þeirra þegar nýjar myndir birtust í myrkrinu. Þegar kom að útiveru hélt spennan áfram af fullum krafti. Börnin klæddu sig með hraði, gripu vasaljósin sín og héldu út í janúarmyrkrið. Búið var að undirbúa útisvæðið með því að fela fjölmörg endurskinsmerki og leynilegar myndir víðs vegar um svæðið. Myndirnar voru sérstaklega skemmtilegar þar sem þær birtust aðeins þegar börnin lýstu bak við þær. Þessi leit vakti gífurlega lukku og börnunum fannst þetta æðislega spennandi. Þau hlupu hvívetna um útisvæðið, samglöddust hverju öðru og hvöttu félaga sína áfram við að finna næsta endurskinsmerki. Samvinnan var til fyrirmyndar og kátínan smitandi. Vasaljósadagurinn var í alla staði vel heppnaður og sýndi okkur hve lítið þarf til að kveikja neista í skólastarfinu. Við þökkum kærlega fyrir frábæran dag og hlökkum til næstu ævintýra með þessum flottu krökkum!

Það er skemmtileg jólahefð hjá okkur í Stapaskóla að nemendur skreyta gluggana í tvenndinni sinni. Keppt er á milli árganga og eru sigurvegarar á hverju stigi. Gluggarnir eru hverjum öðrum glæsilegri og hefur verið erfitt verk fyrir dómara að velja fallegasta gluggann. Dómararnir okkar í ár voru Ellen Agatha frá menningasviði Reykjanesbæjar, Guðrún Gunnarsdóttir deildarstjóri í Akurskóla og Katrín Jóna deildarstjóri í Akurskóla. Það var þeirra hlutverk að ganga á milli og gefa stig fyrir sköpun, frumleika og jólaanda. Nemendur í 2. bekk, 5. bekk og 9. bekk unnu jólagluggann 2025.

Í vikunni hafa nemendur á unglingastigi verið að læra um hefðir og hátíðir tengdar trúarbrögðum og vill svo skemmtilega til að í dag héldum við upp á okkar árlegu jólahefð, pálínuboðið. Nemendur komu með veitingar á hlaðborðið og voru kræsingarnar ekki af verri endanum og buðu foreldrum í kaffi. Okkur þykir gríðarlega vænt um þessa hefð þar sem við höfum tækifæri til þess að eyða gæðastund með nemendum og hitta foreldra og forráðamenn. Viljum þakka ykkur fyrir góða mætingu og gera okkur það kleift að halda þetta boð og bjóða upp á notalegt uppbrot í desember.

Í Stapaskóla vinnum við markvisst að því að skapa nemendum gott námsumhverfi sem veitir þeim tilfingalegt öryggi í anda Heillaspora. Með þessum pistlu viljum við veita innsýn inn í hvernig við í sameiningu getum skapað öryggi fyrir börnin í desember.

Nemendur í 3. -6. bekk fengu skemmtilega heimsókn í gær, 3. desember, þegar rithöfundurinn Bjarni Fritzson kom í skólann til að kynna bækur sínar um hinn vinsæla Orra óstöðvandi. Bjarni las upp úr nýjustu bók sinni við mikinn áhuga nemenda og gaf nemendum innsýn inn í sköpunarferlið. Hann svaraði fjölda spurninga um bækurnar af sinni alkunnu hlýju og húmor. Einnig hvatti hann nemendur sérstaklega til að lesa reglulega og hlúa að eigin sköpunargleði. Einn af hápunktum heimsóknarinnar var lífleg og skemmtileg hraðaspurningakeppni þar sem nemendur tóku virkan þátt og létu vel í sér heyra. Stemningin var frábær og allir skemmtu sér konunglega. Heimsókn Bjarna er mikil hvatning í lestrarátakinu okkar og þökkum við honum kærlega fyrir frábæra heimsókn!

Jólaföndur foreldrafélagsins 1. desember frá kl. 17.30 - 19.00 Í boði verður fjölbreytt úrval af föndri fyrir börn og fullorðna. Við hvetjum alla til þess að mæta og eiga notalega stund með krökkunum sínum.