Nýr aðstoðarskólastjóri á leikskólastigi Stapaskóla

Elísabet Kjartansdóttir hefur verið ráðin í starf aðstoðarskólastjóra á leikskólastigi við Stapaskóla og tekur til starfa 1. mars nk.

Elísabet hefur starfað við Stapaskóla frá upphafi, fyrst sem kennari og síðar sem deildarstjóri yngra stigs. Í störfum sínum hefur hún sýnt fagmennsku, skýra sýn á skólastarf og trausta forystu í samstarfi og daglegri framkvæmd. Hún þekkir vel starfsemi skólans og hefur átt mikilvægan þátt í uppbyggingu og þróun hans frá stofnun.

Elísabet býr jafnframt yfir víðtækri reynslu úr skólastarfi utan Stapaskóla. Hún starfaði áður við Akurskóla og þar á undan við leik- og grunnskóla í Skagafirði. Sú reynsla styrkir hana í nýju hlutverki og mun nýtast vel í áframhaldandi þróun leikskólastigsins.

Við óskum Elísabetu til hamingju með ráðninguna og velfarnaðar í nýju starfi.