Desemberstarf og jólaleyfi á leikskólastigi

Nú gengur í garð desembermánuður með öllum þeim spenningi og tilhlökkun sem honum fylgir. Þrátt fyrir að margt sé um að vera á aðventunni leggjum við áherslu á að halda í daglegar venjur og rútínu eins og kostur er, til að tryggja vellíðan barnanna í amstri hátíðanna.

 

Dagskráin verður þó með hátíðlegu ívafi. Við munum eiga notalegar aðventusöngstundir alla föstudaga og börnin vinna hörðum höndum að því að útbúa jólagjafir handa ykkur.

 

Hátíðarmaturinn verður á sínum stað ásamt „litlu jólunum“ okkar og aldrei að vita nema rauðklæddir sveinar láti sjá sig í heimsókn.

Það verður því sannarlega líf og fjör á leikskólastiginu á næstunni.

 

Vegna skipulags framundan vil ég minna á að leikskólastigið fer í jólaleyfi þann 24. desember. Starfsemi hefst svo aftur á nýju ári mánudaginn 5. janúar.

 

Við hlökkum til að eiga góða aðventu með börnunum ykkar.