Myndasafn

Nemendur í 3. bekk hafa í september verið að kafa inn í undraheim köngulóarinnar. Unnið var með samþættingu þannig að viðfangsefnið fléttaðist inn í skóladaginn á ýmsan hátt.

Heilsu- og forvarnarvika Stapaskóla 3. – 7. október 2022

8. og 10. bekkur á starfsgreinakynningu Suðurnesja

Allt grunnskólastig ásamt Mánasteini og Óskasteini skelltu sér í göngutúr um hverfið í tilefni af heilsu- og forvarnarviku Reykjanesbæjar.

Foreldrakvöld var haldið í vikunni á leikskólastigi Stapaskóla og var það mjög vel sótt. Þar fór Pálína Hildur aðstoðarskólastjóri yfir helstu áherslur í starfi leikskólans. Að því loknu fóru foreldrar inn á deild sinna barna og fengu að skoða námsefnið betur þar.

Stapaskóli fékk úthlutað úr Yrkjusjóði í annað sinn núna í haust. Yrkjusjóður er sjóður æskunnar til ræktunar á landinu okkar.

Mánudaginn 19. september fengu nemendur í Stapaskóla sérstaka gesti. Emilíana og Elísabet María, nemendur í 3. bekk og Adríana nemandi á Mánasteini komu með pysjur í skólann.

Miðvikudaginn 7. september tóku nemendur Stapaskóla þátt í Friðarhlaupinu. Friðarhlaupið er alþjóðlegt kyndilboðhlaup. Tilgangur hlaupsins er að efla frið, vináttu og skilning manna og menningarheima á milli. Sem tákn um þessa viðleitni bera hlaupararnir logandi kyndil, sem berst manna á milli í þúsundum byggðarlaga í yfir hundrað löndum.

Börnin á Mánasteini höfðu mikinn áhuga á sögunni um Greppikló svo ákveðið var að grípa áhuga þeirra og vinna meira með söguna. Það eru ótal mörg orð sem við erum að vinna með upp úr bókinni í orðaforðakennslu sem við vinnum með á hverjum degi. Út frá þessu verkefni reynum við að flétta inn allar námsgreinar. Eftir að við lásum söguna teiknuðu börnin mynd upp úr bókinni sem vakti þeirra áhuga.

Þriðjudaginn 30. maí fengu nemendur í 7. bekk heimsókn frá nemendum Samvinnu – miðstöð símenntunar. Nemendur Samvinnu færðu krökkunum peysur að gjöf með slagorðinu Stopp einelti. Stopp einelti er unnið af hópi nemenda hjá Samvinnu og er markmið hópsins að vekja athygli á einelti. Hópurinn leggur áherslu á að forvarnaráætlanir beinist að því að skapa öruggt og styðjandi skólaumhverfi, stuðla að jákvæðum félagslegum samskiptum og kenna börnum og unglingum að þekkja og bregðast við eineltishegðun. Við þökkum kærlega fyrir gjöfina og fyrir að skapa umræðu um þarft málefni.

Skólaslit og útskrift 10. bekkjar fór fram dagana 7. og 8. júní við hátíðlega athöfn á sal skólans og inni í tvenndum nemenda.

Miðvikudagurinn 31. maí var stór dagur hjá elstu börnum leikskólastigs Stapaskóla en þann dag útskrifuðust þau við hátíðlega athöfn í fjölnotasal skólans. Við óskum útskriftarnemendum okkar og aðstandendum þeirra innilega til hamingju með áfangann.