Stapaskóli

Starfsdagur á leik- og grunnskólastigi

Thu, 10 Sep 2026 08:50:00 +0000

Föstudaginn 11. september er starfsdagur í Stapaskóla, á leik- og grunnskólastigi. Allir nemendur eiga frí þennan dag. Frístundaheimilið Stapaskjól er einnig lokað.

Vatnslaust á morgun þriðjudag

Tue, 08 Sep 2026 15:48:00 +0000

Miðvikudaginn 9. september (á morgun) verður lokað fyrir heitt vatn í Innri-Njarðvík frá kl. 08:00. Gera má ráð fyrir að lokun vari í 5-7 klst.

Göngum í skólann

Tue, 08 Sep 2026 13:38:00 +0000

Stapaskóli tekur þátt í verkefninu Göngum í skólann sem hefst miðvikudaginn 9. september og stendur til 30. september. Markmið verkefnisins er að hvetja nemendur og fjölskyldur þeirra til að velja virkan ferðamáta í og úr skóla þegar aðstæður leyfa....

Treyjudagurinn 4. september

Wed, 02 Sep 2026 16:18:00 +0000

Föstudaginn 4. september verður Treyjudagurinn haldinn í fyrsta sinn á Íslandi til stuðnings börnum með krabbamein og fjölskyldum þeirra. Á Treyjudeginum eru nemendur og starfsfólk hvött til að mæta í sinni uppáhalds íþróttatreyju í skólann og sýna ...

Skemmtilegur skógræktardagur á Njarðvíkurheiði 🌱🌳

Tue, 01 Sep 2026 14:10:00 +0000

Nemendur í 3. og 6. bekk tóku þátt í skemmtilegum skógræktarviðburði á Njarðvíkurheiði þar sem þau fengu tækifæri til að gróðursetja tré og taka þátt í uppbyggingu svæðisins. Dagurinn var bæði fræðandi og skemmtilegur. Nemendur fengu fræðslu um skóg...

Námfús – nýtt námsumsjónarkerfi í Stapaskóla

Tue, 25 Aug 2026 09:38:00 +0000

Á þessu skólaári tekur Stapaskóli í notkun Námfús, nýtt námsumsjónarkerfi sem tekur við af InfoMentor. Námfús verður sameiginlegur vettvangur fyrir upplýsingar um skólastarfið og samskipti milli heimila og skóla. Innleiðing nýs kerfis tekur tíma og ...

Skólasetning 2026-2027

Tue, 18 Aug 2026 15:35:00 +0000

Skólasetning fer fram þriðjudaginn 25. ágúst nk. í íþróttasal við Stapaskóla. Forráðamönnum er velkomið að fylgja sínum börnum á skólasetninguna. Kl. 09:00 - 3., 5., 7. og 9. bekkur. Kl. 10:00 - 2., 4., 6., 8. og 10. bekkur. Kl. 11:00 - 1. bekkur...

Skólabyrjun grunnskóla í Reykjanesbæ

Tue, 18 Aug 2026 15:32:00 +0000

Nú líður senn að því að nemendur grunnskóla Reykjanesbæjar hefji störf. Þriðjudaginn 25. ágúst eru skólasetningar en nánari upplýsingar fyrir hvern skóla eru birtar á heimasíðum þeirra. 301 fyrstu bekkingar eru nú að hefja grunnskólanám og taka sín f...

Hólmfríður Jennýjar Árnadóttir tekur við sem skólastjóri Stapaskóla

Mon, 13 Jul 2026 15:25:00 +0000

Hólmfríður Jennýjar Árnadóttir hefur verið ráðin skólastjóri Stapaskóla og tekur við starfinu 1. ágúst næstkomandi. Hólmfríður er með B.Ed., M.Ed. í menntunarfræðum frá Háskólanum á Akureyri. Hún hefur jafnframt lokið Dipl.Ed. í námi og kennslu ungr...

Sjálfsmatsskýrsla Stapaskóla 2025–2026

Mon, 22 Jun 2026 11:31:00 +0000

Sjálfsmatsskýrsla Stapaskóla fyrir skólaárið 2025–2026 hefur verið birt og er nú aðgengileg á heimasíðu skólans. Sjálfsmat er mikilvægur þáttur í að efla gæði skólastarfs og styðja við markvissa þróun og umbætur. Í skýrslunni eru dregnar saman helst...

Sumarfrí á skrifstofu og leikskólastigi

Mon, 15 Jun 2026 15:16:00 +0000

Nú þegar sumarfrí grunnskólanemenda er hafið viljum við upplýsa um sumarlokun og opnunartíma skrifstofu og leikskólastigs Stapaskóla. Skrifstofa skólans fer í sumarfrí eftir kl. 12:00 föstudaginn 19. júní og opnar aftur fimmtudaginn 6. ágúst kl. 10:...

Menningarmót í Stapaskóla

Mon, 15 Jun 2026 08:58:00 +0000

Við í Stapaskóla héldum glæsilegt menningarmót þriðjudaginn 9. júní í framhaldi af þemadögum skólans. Menningarmótið var bæði skemmtilegt og lærdómsríkt og markaði skemmtilegan lokapunkt á vinnu nemenda. Nemendur unnu af miklum metnaði að verkefnum sínum og það var einstaklega ánægjulegt að sjá hversu fjölbreyttur, skapandi og persónulegur afraksturinn var. Á menningarmótinu fengu nemendur tækifæri til að kynna verkefni sín og sýna minningarkassana sína. Þar sögðu þeir frá minningum, upplifunum og því sem skiptir þá máli. Það var virkilega gaman að fylgjast með hversu öruggir og stoltir nemendur voru þegar þeir kynntu verk sín fyrir gestum. Stemningin á mótinu var frábær og gleðin skein úr hverju andliti. Nemendur sýndu mikla sköpunargáfu, frumkvæði og samvinnu og það var ánægjulegt að sjá hvernig þeir studdu hvert annað og fögnuðu árangri samnemenda sinna. Við erum ótrúlega stolt af öllum nemendunum okkar og afar ánægð með útkomuna. Menningarmótið var vel heppnað og endurspeglaði þann metnað, dugnað og jákvæða anda sem ríkir í Stapaskóla. Við viljum færa starfsfólki Stapaskóla og foreldrum nemenda Stapaskóla innilegar þakkir fyrir allan þann stuðning, samstarf og aðstoð sem þau veittu. Án þeirra hefði þessi dagur ekki orðið jafn vel heppnaður og raun bar vitni. Takk fyrir samveruna og þátttökuna. Við eigum margar góðar minningar frá þessum skemmtilega degi.

Skólaslit og útskrift 10. bekkjar í Stapaskóla

Thu, 11 Jun 2026 13:26:00 +0000

Í gær, 10. júní, fóru fram skólaslit Stapaskóla og útskrift 10. bekkjar við hátíðlegar athafnir þar sem nemendur, foreldrar, forráðamenn og starfsfólk komu saman til að fagna lokum farsæls skólaárs. Í ávarpi skólastjóra var meðal annars komið inn á ...

Ungur rithöfundur í Stapaskóla

Thu, 11 Jun 2026 11:56:00 +0000

Ada Hafliðadóttir er 15 ára nemandi í Stapaskóla og hefur verið hjá okkur alla sína skólagöngu. Hún hefur sýnt einstakan metnað og sköpunargáfu á undanförnu skólaári og náð eftirtektarverðum árangri sem ungur rithöfundur. Við erum afar stolt af henni og því sem hún hefur áorkað. Síðastliðin ár hefur Ada unnið markvisst að ritstörfum og hefur nú þegar skrifað þrjár bækur á ensku. Bækurnar eru hluti af seríu sem ber heitin Solved by You, Consumed by You og Hidden by You. Einnig hefur hún þýtt eina bókanna yfir á íslensku til að taka þátt í sögusamkeppni. Þýðing hennar vakti verðskuldaða athygli og var bókin valin meðal þriggja efstu í Storytel keppni, sem er glæsilegur árangur og vitnisburður um hæfileika hennar og dugnað. Bækurnar eru fáanlegar á Amazon, bæði í prentuðu formi og sem Kindle-bækur. Fyrsta bókin fjallar um nútímavandamál sem geta komið upp innan vinahóps, en hinar tvær taka við þar sem frá var horfið og fylgja persónunum áfram í spennandi og skemmtilegum atburðum. Ada er þegar farin að huga að næsta verkefni og við erum spennt að sjá hvað framtíðin ber í skauti sér. Með þann metnað, sköpunargleði og dugnað sem hún hefur sýnt hingað til er ljóst að hún á bjarta framtíð fram undan.

Vinnustofa gegn fordómum

Wed, 10 Jun 2026 11:46:00 +0000

Stapaskóli fékk árið 2024 styrk frá félags- og húsnæðismálaráðuneytinu fyrir verkefnið Vinnustofa gegn fordómum – Tilheyrum við öll? sem ætlað er nemendum á unglingastigi. Markmið verkefnisins er að fræða nemendur um fordóma með sérstakri áherslu á kynþátta- og menningarfordóma og stuðla að aukinni vitund, samkennd og inngildingu í skólasamfélaginu. Á síðasta skólaári var lögð áhersla á að kortleggja þekkingu nemenda og kennara á unglingastigi af fordómum og upplifun þeirra af þeim. Miriam Petra, sérfræðingur í fjölmenningu og inngildingu, hélt fræðsluerindi fyrir kennara á unglingastigi um fordóma í íslensku samfélagi. Einnig voru útbúin fræðslumyndbönd í samstarfi við Miriam Petru og auglýsingastofuna Undireins. Á þessu skólaári hafa verið þróuð fjölbreytt verkefni tengd vinnustofunni og hafa þekktir einstaklingar í íslensku samfélagi tekið þátt í verkefninu með því að vera á veggspjöldum sem unnin voru fyrir verkefnið. Þátttaka þeirra hefur vakið mikla athygli og áhuga meðal nemenda. Við erum mjög þakklátar fyrir að hafa fengið þetta frábæra fólk með okkur í baráttuna gegn fordómum. Á þessari önn kom Miriam Petra einnig með fræðslu um fordóma fyrir nemendur í 8.bekk. Það var mikil ánægja hjá okkur í lok maí þar sem nemendur í 8.bekk tóku þátt í vinnustofunni Tilheyrum við öll? Þau horfðu á fræðslumyndböndin, fóru í leiki sem reyndu á samvinnu, unnu fjölbreytt verkefni og tóku þátt í umræðum sem snúa að kynþátta- og menningarfordómum. Nemendur sýndu verkefninu áhuga, tóku virkan þátt og við lögðum áherslu á að heyra þeirra upplifun af verkefninu og fá endurgjöf. Heimasíða verkefnisins verður aðgengilegt fljótlega og við vonumst til að fleiri skólar muni nýta sér námsefnið sem þar verður að finna. Hér má sjá nokkrar umsagnir nemenda um verkefnið: ,,Þetta var mjög fræðilegt og skemmtilegt verkefni. Ég lærði um að rasismi getur komið fram á ólíkan hátt. Mér finnst ég geta stígið inn í aðstæður þar sem eru fordómar því mér finnst ég betur vita hvað ég get sagt.’’ ,,Mér fannst þetta geggjað verkefni og ég mæli mjög mikið með. Þetta var góð leið til að ræða um rasisma, skilja hvernig hann kemur fram og koma í veg fyrir fordóma.’’ ,,Mér finnst allt sem við erum búin að læra mjög skemmtilegt og áhugavert. Mér persónulega finnst að unglingar í dag þurfi að læra um fordóma og hvaða áhrif þeir hafa á fólk. Það var gaman að fara yfir þetta og líka að fara í leikina.’’

Stjörnu-Sævar heimsótti Stapaskóla

Wed, 10 Jun 2026 09:44:00 +0000

Þann 29. maí fékk Stapaskóli góða heimsókn þegar Sævar Helgi Bragason, betur þekktur sem Stjörnu-Sævar, kom og hélt fræðandi og skemmtilega kynningu fyrir nemendur skólans. Heimsóknin var hluti af fræðsluverkefni á vegum Reykjanes jarðvangs og GeoCa...

Óskilamunir

Wed, 10 Jun 2026 08:17:00 +0000

Töluvert magn af óskilamunum liggur nú frammi í aðalanddyri skólans. Um er að ræða fatnað, skóbúnað, yfirhafnir, skólatöskur, íþróttatöskur, brúsa, nestisbox og sitthvað fleira. Foreldrar/forráðamenn eru hvattir til að koma við, á milli kl. 09:00 o...

Útskriftarhátíð leikskólastigs 2026

Thu, 04 Jun 2026 11:07:00 +0000

Fimmtudaginn 28. maí s.l. útskrifuðum við nemendur á Óskasteini, frábæru elstu börnin okkar. Þessi viðburður markar tímamót í lífi barnanna sem nú kveðja leikskólastigið og hefja nýjan kafla í grunnskóla næsta haust. Athöfnin fór fram á sal skólans á grunnskólastigi. Nemendur stigu á stokk og glöddu viðstadda með fallegum söng en þau fluttu þrjú lög sem þau höfðu æft af kostgæfni undanfarnar vikur. Bæði Sigurlaug Anna deildarstjóri á elstu deildinni, Óskasteini, og Elísabet Kjartansdóttir aðstoðarskólastjóri Stapaskóla héldu stuttar ræður, nemendur fengu afhent útskriftarskjöl og fallegar sjálfsmyndir sem þau höfðu gert dagana á undan. Að lokum var boðið upp á súkkulaðiköku, djús og kaffi. Þetta var virkilega gleðileg stund þar sem foreldrar, systkini, ömmur og afar auk kennarar glöddust saman með þessum frábæru útskriftarnemendum með bros á vör og gleði í hjarta. Við óskum þessum yndislega hópi bjartrar framtíðar og góðs gengis á næsta skólastigi. Það er einnig vert að minnast á bæði fallega og veglega gjöf frá foreldrum barna á Óskasteini í tilefni af útskriftinni. En þau færðu leikskólanum margskonar gagnlegan efnivið og leikföng sem munum koma sér vel fyrir leikskólann og nemendur hans. Má þar nefna rennibraut, vegasalt, plu-plus kubba, kríta, bolta, sippubönd, púsl, spil og margt fleira. Kunnum við þeim bestu þakkir fyrir örlætið og að hugsa svona fallega til okkar á leikskólanum.

Menningarmót og þemahátíð í Stapaskóla

Tue, 02 Jun 2026 13:57:00 +0000

Dagana 5. og 8. júní verða haldnir þemadagar í Stapaskóla undir yfirskriftinni Menningarmót. Verkefnið byggir á hugmyndafræði Menningarmóta þar sem nemendur fá tækifæri til að kynna sína persónulegu menningu, áhugamál, reynslu og það sem skiptir þau ...

Fróðleg heimsókn frá stofnanda Bláa hersins

Fri, 29 May 2026 12:25:00 +0000

Þriðjudaginn 26. maí fékk 4. bekkur skemmtilega og fróðlega heimsókn frá Tómasi J. Knútssyni, stofnanda Bláa hersins. Hann sagði okkur frá starfi sínu við hreinsun strandlengja og hvernig hafið tengir saman lönd og heimsálfur. Við ræddum meðal annars um köfun og hvað leynist undir yfirborði sjávar. Tómas sagði okkur frá fjölbreyttu lífríki hafsins og sýndi okkur ýmislegt áhugavert sem hann hefur fundið í köfunarferðum sínum. Nemendur fengu meðal annars að skoða alvöru hákarlatennur sem vöktu mikla athygli og forvitni. Við lærðum líka um golfstrauminn og hvernig hafstraumar geta flutt rusl langar leiðir. Það kom okkur á óvart að heyra að rusl frá Bahamas-eyjum getur borist alla leið til Íslands og fundist á ströndum landsins. Þannig sáum við hversu mikilvægt það er að ganga vel um náttúruna og hugsa um hafið okkar. Heimsóknin var bæði skemmtileg, spennandi og lærdómsrík. Nemendur hlustuðu af athygli, spurðu margar góðar spurningar og lærðu margt nýtt um hafið, náttúruna og mikilvægi þess að vernda umhverfið.